Գերմանիայի թիմն առաջին մարզումն է անցկացրել
1 րոպեի ընթերցում
![Գերմանիայի թիմն առաջին մարզումն է անցկացրել](http://armenpress.am/resized/480/static/news/b/2018/06/937349.jpg)
ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: Ֆուտբոլի աշխարհի գործող չեմպիոն Գերմանիայի հավաքականն առաջին մարզումն է անցկացրել Մոսկվայում:
«Արմենպրես»-ի հաղորդմամբ` «բունդեսմեքենա»-ի բաց մարզմանը ներկա է եղել մոտ 500 երկրպագու: Աշխարհի գործող չեմպիոն Գերմանիայի ընտրանին արդեն Խաղերի մայրաքաղաք Մոսկվայում է: Յոահիմ Լյովի սաները և ամբողջ մարզչական շտաբը կբնակվեն Նոր Մոսկվայում և կմարզվեն ԲԿՄԱ-ի մարզաբազայում:
Գերմանիայի ընտրանին ԱԱ-ում ընդգրկված է F խմբում և կմրցի Մեքսիկայի, Շվեդիայի և Հարավային Կորեայի հետ:
«Մունդիալ-2018»-ն ընդունել է Ռուսաստանը: Աշխարհի առաջնության խաղերը հյուրընկալող 11 քաղաքում կանցկացվեն տոնական միջոցառումներ: Առաջնությունը կմեկնարկի հունիսի 14-ին, իսկ եզրափակիչ հանդիպումը կկայանա հուլիսի 15-ին: Խաղերը կընդունի 12 մարզադաշտ Մոսկվայում (2), Սանկտ-Պետերբուրգում, Կազանում, Եկատերինբուրգում, Սարանսկում, Սոչիում, Սամարայում, Դոնի Ռոստովում, Կալինինգրադում, Նիժնի Նովգորոդում, Վոլգոգրադում: Կիսաեզրափակիչ երկու հանդիպումը կկայանա Սանկտ-Պետերբուրգում և Մոսկվայում: