1 րոպեի ընթերցում
ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Արևելագիտության ինստիտուտի տնօրեն Ռուբեն Սաֆրաստյանը բանակցային գործընթացում տեսնում է Ֆրանսիայի՝ որպես Մինսկի խմբի համանախագահող երկրի դերի ակտիվացում:
«Արմենպրես»-ի հաղորդմամբ` հունիսի 11-ին լրագրողների հետ հանդիպմանը Սաֆրաստյանը Ֆրանսիայի ակտիվացման հանգամանքը կապեց Եվրոպայում այս երկրի դիրքերի ուժեղացման հետ: «Միացյալ Թագավորությունը դուրս եկավ Եվրամիության կազմից, և այդտեղ միակ միջուկային պետությունը մնաց Ֆրանսիան, ինչը կհանգեցնի երկրի արտաքին քաղաքականության որոշակի ակտիվացմանը, որն էլ առաջիկայում կարտահայտվի միջնորդական գործողությունների մեջ»,-նշեց Սաֆրաստյանը:
Արցախի հարցի կարգավորմանն անդրադառնալով՝ Արևելագիտության ինստիտուտի տնօրենը ողջունեց Հայաստանի իշխանությունների այն նախաձեռնությունը, որով Արցախը պետք էուղղակիորեն ներկայացված լինիբանակցային գործընթացում: «Հայաստանի այս նախաձեռնությունը, կարծում եմ, կարող է նպաստել բանակցային գործընթացի ավելի իրական դառնալուն»,-հավելեց բանախոսը: