1 րոպեի ընթերցում
ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: ՀՀ տարածքում 2017 թվականին վճարային քարտերով իրականացվել է 1 տրիլիոն 558.9 միլիարդ դրամի գործառնություն: Քարտերով անկանխիկ վճարումների ծավալն ավելացել է 38.5 տոկոսով և կազմել 298.3 մլրդ դրամ:
«Արմենպրես»-ի փոխանցմամբ՝ այս է վկայում ՀՀ կենտրոնական բանկի նախորդ տարվա հաշվետվությունը:
Նշված անկանխիկ գործառնությունների ծավալում ինտերնետ միջավայրում իրականացված գործառնությունների ծավալը կազմել է 145.6 մլրդ դրամ: Արդյունքում՝ քարտերով անկանխիկ վճարումների տեսակարար կշիռն ընդհանուր քարտային գործառնություններում նախորդ տարվա համեմատ աճել է 4.1 տոկոսային կետով և կազմել 19.1 տոկոս:
Համաձայն հաշվետվության՝ 2017 թվականի վերջի դրությամբ շրջանառության մեջ գտնվող քարտերի ընդհանուր քանակը 1.7 միլիոն է: