1 րոպեի ընթերցում
ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ: Վրաստանի արտաքին գործերի նախարարությունը հայտարարել Է ռուս դիվանագետներից մեկին երկրից արտաքսելու որոշման մասին, տեղեկացնում Է «Արմենպրես»-ը: Ավելի վաղ արեւմտյան մի շարք երկրներ Ռուսաստանի դիվանագետներին արտաքսելու որոշում Էին ընդունել Գլխավոր հետախուզական վարչության նախկին սպա Սերգեյ Սկրիպալին թունավորելու կապակցությամբ, որն աշխատում Էր բրիտանական հատուկ ծառայությունների օգտին:
«Նախարարությունը համերաշխություն Է հայտնում Միացյալ Թագավորությանը ու նշված հարցի կապակցությամբ միջազգային հանրակցության դիրքորոշմանը եւ, համապատասխանաբար, «անցանկալի անձ» Է հայտարարում Շվեյցարիայի դեսպանությանն առընթեր Ռուսաստանի Դաշնության շահերի բաժանմունքի աշխատակցին եւ պահանջում Է, որ նա Վրաստանը լքի յոթնօրյա ժամկետում»,-ասված Է Վրաստանի ԱԳ նախարարության կայքում զետեղված հայտարարության մեջ:
Ռուսաստանցի դիվանագետի անունը չի նշվում, հաղորդել Է Sputnik-ը: