Էրդողանը Հռոմի Ֆրանցիսկոս պապի հետ քննարկել է Երուսաղեմի կարգավիճակի հարցը

ԵՐԵՎԱՆ, 29 ԴԵԿՏԵՄԲԵՐԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել կաթոլիկ աշխարհի հոգևոր առաջնորդ Հռոմի Ֆրանցիսկոս պապի հետ: Ինչպես հաղորդում է «Արմենպրես»-ը, այս մասին հայտնում է թուրքական «Հաբերլեր»-ը:

Հեռախոսազրույցի ընթացքում քննարկված հիմնական թեման եղել է Երուսաղեմի կարգավիճակի շուրջ ստեղծված իրադրությունը: Կողմերը համոզմունք են հայտնել քաղաքի կարգավիճակը պաշտպանության տակ առնելու հարցի շուրջ:

Էրդողանն ու Հռոմի Ֆրանցիսկոս պապը համաձայնության են եկել առաջիկայում դեմ առ դեմ հանդիպելու և երկկողմ հարաբերություններն ու միջազգային հարցերը քննարկելու առնչությամբ: