1 րոպեի ընթերցում
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Կինեմատոգրաֆիստների միության վարչության անդամների թիվը 19 է: «Արմենպրես»-ի հաղորդմամբ՝ անդամներն ընտրվեցին հոկտեմբերի 7-ին կայացած արտահերթ համագումարում: Վարչության կազմում են Արտյոմ Երկանյանը, Ռուդոլֆ Վաթինյանը, Սիրանուշ Գալստյանը, Միքայել Պողոսյանը և այլք:
Միության անդամ Վիգեն Ստեփանյանն առաջարկեց վարչության կազմում ընդգրկել նաև նախագահի չընտրված երկու թեկնածուներին: «Երեք նախագահ չենք կարող ունենալ, սակայն, կարծում եմ ՝ մյուս երկուսը պետք է ընդգրկվեն վարչության կազմ: Նրանք ևս իրենց ավանդը պետք է ներդնեն հայ կինոյի զարգացման գործում»,- ասաց նա: Սակայն արտահերթ համագումարը նախագահող Ռուդոլֆ Վաթինյանը չընդունեց առաջարկը:
Կինեմատոգրաֆիստների միության 187 անդամներից 145 անդամ կքվեարկի միության նախագահի ընտրության ժամանակ:Կինեմատոգրաֆիստների միության նախագահի թեկնածուներն են Վահե Գևորգյանցը, Հարություն Խաչատրյանը և Գևորգ Գևորգյանը: