1 րոպեի ընթերցում
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ առաջին տիկին Ռիտա Սարգսյանը սեպտեմբերի 20-ին ՀՀ նախագահական նստավայրում հյուրընկալել է «Նոր ալիք 2017»մրցույթում Հայաստանը ներկայացրած և հաղթանակներով վերադարձած երգչուհիներ Էռնա Միրզոյանին (Էռնա Միր) և Սյուզաննա Մելքոնյանին:
«Արմենպրես»-ի հաղորդմամբ` Ռիտա Սարգսյանը շնորհավորել է նրանց մրցույթում փայլուն ներկայանալու, բարձր հորիզոնականներ գրավելու համար և նորանոր հաջողություններ մաղթել:
Սեպտեմբերի 8-14-ը Սոչիում անցկացվեց«Նոր ալիք 2017»մրցույթը, որում Հայաստանն այս տարի ներկայացրեցին մասնակից Էռնա Միրզոյանն ու Սյուզաննա Մելքոնյանը: Վերջինս զբաղեցրեց 2-րդ հորիզոնականը, իսկ Էռնա Միրը կիսեց առաջին հորիզոնականը Ուզբեկստանի և Մոլդովայի ներկայացուցիչների հետ: