398.94
Շառլ Ազնավուրը Պետերբուրգում եւ Մոսկվայում համերգներ կտա 2018 թվականի ապրիլին
1 րոպեի ընթերցում
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Շառլ Ազնավուրը Մոսկվայում եւ Սանկտ Պետերբուրգում ելույթ կունենա եկող տարվա գարնանը: Օգոստոսի 24-ին այս մասին ՏԱՍՍ-ին հայտնել Է երգչի մամուլի քարտուղար Քրիստինա Սարգսյանը, տեղեկացնում Է «Արմենպրես»-ը:
«Նեւայի ափի քաղաքում վարպետի համերգը կկայանա 2018 թվականի ապրիլի 25-ին՝ «Օկտյաբրսկի» մեծ համերգասրահում»,- նշել Է արտիստի ներկայացուցիչը:- Երեք օր հետո՝ ապրիլի 28-ին, նա ելույթ կունենա Ռուսաստանի մայրաքաղաքում՝ Կրեմլի պալատի բեմում»:
«Վարպետն ամբողջ ժամանակ աշխատում Է եւ դադարներ չի սիրում»,- նշել Է Սարգսյանը:
Ավելի վաղ ՏԱՍՍ-ին տված հարցազրույցներից մեկում Ազնավուրը պատմել Է. «Մոսկվայի Կարմիր հրապարակն աշխարհում այն երեք – չորս վայրերից մեկն Է, որտեղ ես կցանկանայի երգել»: Նման համերգի նախագիծը քանիցս քննարկվել Է, եւ երգիչը հուսով Է «վերադառնալ այդ մտահղացմանը»:
Բաժանորդագրվեք մեր ալիքին Telegram-ում