ՕՐՕ դաշինքը նախընտրական ծրագրի դրույթները ներկայացրեց Գյումրիում

2 րոպեի ընթերցում

ԳՅՈՒՄՐԻ, 21 ՄԱՐՏԻ, ԱՐՄԵՆՊՐԵՍ: «ժառանգություն, համախմբում, հաղթանակ» կարգախոսով մարտի 21-ին Գյումրիում՝ «Թատերական» հրապարակում ընտրողների հետ հանդիպում ունեցան «Օհանյան-Րաֆֆի-Օսկանյան» դաշինքի անդամները: Հանդիպման ժամանակ ներկայացվեց դաշինքի նախընտրական ծրագրի դրույթները։ Ներկաները նախ ներողություն խնդրեցին գյումրեցիներից, որ ամբողջական կազմով ներկա չէին հանդիպմանը. Վարդան Օսկանյանը և Արմեն Մարտիրոսյանը հարգելի պատճառով էին բացակայում՝ Արթուր Սարգսյանի հոգեհանգստի կարգին մասնակցելու համար:

Ինչպես տեղեկացնում է «Արմենպրես»-ը, դաշինքի՝ այսօրվա և ոչ հեռավոր ու անորոշ ապագայի ծրագիրն առաջինը ներկայացնելու պատիվը տրվեց ամենաերիտասարդ կին թեկնածուին Ռիմա Սարգսյանին, ով նշեց, որ դաշինքի ներկայացրած «365 օր ամենօրյա փոփոխությունների ժամանակացույց» ծրագիրն այն ծրագիրն է, որը վստահաբար ամեն օրը կյանքը դեպի լավն է փոխելու:

Այնուհետև դաշինքի ծրագիրը ներկայացրեցին նաև այլ թեկնածուներ: Կարևորվեց նաև ՕՐՕ -ի թեկնածու Հովհաննես Հովհաննիսյանի նախընտրական կարգախոսը՝ «Ձեր ձայնը մեզ, իշխանությունը՝ Ձեզ»:

Դաշինքի ծրագիրն ավելի մանրամասն ներկայացրեցին Րաֆֆի Հովհաննիսյանն ու Սեյրան Օհանյանը: «Ծրագիրն առաջարկում է լուծումներ, որոնք տեղի կունենան 365 օրվա ընթացքում, ամեն օրվա կտրվածքով` յուրաքանչյուր քաղաքացի իր առօրյա կյանքում կզգա, թե ի՞նչ փոփոխություններ են տեղի ունեցել: Ծրագրում կան նաև դեմոգրաֆիկ խնդիրներին ուղղված դրույթներ, որոնք վերաբերում են միանվագ նպաստներին, ինչը հնարավորություն կտա երեխայի ծնունդից հետո նպաստների միջոցով գոնե մասամբ լուծել այն խնդիրները, որոնք ունենում են ընտանիքները»,-նշեց Սեյրան Օհանյանը:

Արմենուհի Մխոյան

Հայերեն

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել