Սերժ Սարգսյանը շնորհակալություն է հայտնել Գերմանիային սիրիահայերի հարցով Հայաստանին օժանդակելու համար
1 րոպեի ընթերցում
ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: Հայաստանի Հանրապետության Նախագահ Սերժ Սարգսյանը Բեռլինում շնորհակալություն է հայտնել Գերմանիայի կառավարությանը փախստականների հարցում Հայաստանին ցուցաբերած օժանդակության համար: Ինչպես հաղորդում է «Արմենպրես»-ը, այս մասին Սարգսյանը խոսել է Գերմանիայի կանցլեր Անգելա Մերկելի հետ լրագրողներին տված մամուլի ասուլիսի ժամանակ:
«Փախստականների ճգնաժամը մեզ համար ևս մեծ խնդիր է, որովհետև Սիրիայում և առհասարակ Մերձավոր Արևելքում հոծ հայկական համայնքներ կային: Այս կոնֆլիկտի հետևանքով Հայաստանն արդեն ընդունել է 20 հազարից ավելի մարդու: Նրանք ազգությամբ հայ են, մեր քույրերն ու եղբայրներն են, բայց այնուհանդերձ 3 միլիոնանոց երկրի համար 20 հազար մարդու սոցիալ-կենցաղային խնդիրները լուծելը բարդ է: Այս առումով ուզում եմ շնորհակալություն հայտնել տիկին Կանցլերին և Գերմանիայի կառավարությանը Հայաստանին ցուցաբերած օժանդակության համար»,- ասել է ՀՀ Նախագահը: