Ադրբեջանը ծրագրում է գազ գնել Ռուսաստանից

2 րոպեի ընթերցում

ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Ադրբեջանի պետական նավթային հիմնադրամը` SOCAR-ը ծրագրում է ռուսաստանյան «Գազպրոմ» ընկերությունից 3 մլրդ խմ գազ գնել:

Այս մասին, ինչպես հաղորդում է «Արմենպրես»-ը` վկայակոչելով APA լրատվական գործակալությունը, հայտարարել է SOCAR-ի նախագահ Ռովնագ Աբդուլլաեւը:

«Մեզ այդ գազը պետք է, որպեսզի այն ներմղենք նավթաշերտեր` նավթի կայուն արդյունահանումն ապահովելու համար: Բացի այդ, մեր գազապահեստարանների ծավալը կազմում է 5 մլրդ խմ, եւ մենք ուզում ենք ստուգել դրանց առավելագույն բեռնավորումը: SOCAR-ը ծրագրում է Ռուսաստանից 3 մլրդ խմ գազ գնել: Մենք արդեն «Գազպրոմ»-ին ներկայացրել ենք մեր առաջարկները», -ասել է նա:

SOCAR-ի ղեկավարը հայտնել է, որ միաժամանակ բանակցություններ են վարում նաեւ իրանական կողմի հետ:

«Խոսքը գազի կուտակման գործողութունների մասին է: Մենք ցանկանում ենք գազ կուտակել պահեստներում, իսկ ձմռանը մատակարարել Իրանի հյուսիսային շրջաններ», -ասել է Ադրբեջանի պետական նավթային ընկերության ղեկավարը:

Հիշեցնենք, որ ՌԴ նախկին վարչապետ, իսկ այժմ «Գազպրոմ» ընկերության տնօրենների խորհրդի նախագահ Վիկտոր Զուբկովը, անդրադառնալով եվրոպական շուկայում ռուսաստանյան գազին Ադրբեջանի մրցակից դառնալու հարցին, Բաքվում հայտարարել էր. «Ինչ է Ադրբեջանը: Նա այժմ մեզնից տարեկան 2 մլրդ խմ գազ է գնում: Մենք այդ մասին Բաքվի հետ մինչեւ 2025 թվականը պայմանագիր ունենք»:

Զուբկովը նաեւ հավելել էր, որ Ադրբեջանին չի փրկի նաեւ «Շահդենիզ» գազի հանքահորի գործարկումը Անդրադրիատիկ գազատարով (TAP) Եվրոպա գազ հասցնելու համար:

«Դա դեռ պետք է լինի 2020 թվականին: Իսկ մինչ այդ, ինչպես ասում են, դեռ պետք է ապրել», -ասել էր նա:

Հայերեն

Վարդենիս համայնքում կայացել է «Դպրոցականների վոլեյբոլի լիգա» մարզական խաղերի համայնքային փուլը

Անհայտ կորածների ճակատագրի պարզաբանման հարցում պետությունների պատասխանատվությունն ու միջազգային մեխանիզմները՝ փորձագետների ուշադրության կենտրոնում

Փորձաքննությունը հաճախ չի կատարում նախագծերի որակի ֆիլտրի իր դերը. Քաղաքաշինության կոմիտեի նախագահ

Մոլդովայի խորհրդարանի խոսնակն աջակցել է երկրի օդային տարածքի պաշտպանության նպատակով Ռումինիայի հետ համագործակցելու առաջարկին. Moldpres

44-օրյա պատերազմի հետևանքով անհայտ կորածների նույնականացման համար ուսումնասիրվել է 4005 ոսկրային նմուշ

Բուլղարացի աստղագետը մասնակցել է Երկրի մերձակայքում երեք աստղից բաղկացած հազվագյուտ աստղային համակարգի հայտնաբերմանը. BTA

Ազգային ժողովի նիստը նոյեմբերի 19-ին կշարունակվի մինչև ժամը 20։00-ն

Վահան Կոստանյանն ընդունել է Արգենտինայի Կորդոբա նահանգից ժամանած գործարար պատվիրակությանը

ՀՀ ԿԲ. թանկարժեք մետաղների գներ և փոխարժեքներ -19/11/26

Ասիական ինդեքսները նվազել են - 19/11/26