1 րոպեի ընթերցում
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Հայկական նոր` «Սիրո գործակից» ռոմանտիկ կատակերգության թրեյլերը համացանցում է: «Արմենպրես»-ի փոխանցմամբ` ֆիլմի վերաբերյալ «Ֆեյսբուք»-ի իր էջում գրառում է կատարել դերասան Հայկ Մարությանը:
«Մեկ տարվա բարդ, մանրակրկիտ և միևնույն ժամանակ շատ հաճելի աշխատանքներից հետո մեր նոր ֆիլմը պատրաստ է:«Սիրո գործակից»ռոմանտիկ կինոկատակերգություն` կինոթատրոն այցելելու հրաշալի պատճառ: Այ սա լուրջ կատակերգություն է»,- նշել է դերասանը:
Ֆիլմի բեմադրող ռեժիսորներ են Արման Մարությանն ու Վահագն Խաչատրյանը,
բեմադրող օպերատորը` Մկրտիչ Բարոյանը (Արգո): Գլխավոր պրոդյուսերն է Հայկ Մարությանը: Կինոնկարում խաղում են Հայկ Մարությանը, Գարիկ Պապոյանը, Էթերի Ոսկանյանը, Արմինե Պողոսյանը, Ռուդոլֆ Ղևոնդյանը, Լուիզա Ներսիսյանը, Խորեն Լևոնյանը և այլք: Ֆիլմը Երևանի կինոթատրոններում կցուցադրվի հոկտեմբերի 22-ից: