1 րոպեի ընթերցում
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Տարվա սպասված կինոպրեմիերաներից մեկը` «Լաբիրինթոսում վազողը. կրակով փորձությունը» հայկական կինովարձույթում է: Ինչպես «Արմենպրես»-ին տեղեկացրին «Մոսկվա» կինոթատրոնից, ֆիլմը սեպտեմբերի 17-ից հնարավոր է դիտել կինոէկրաններին: Նոր կինոնկարը 2014 թվականին ստեղծված «Լաբիրինթոսում վազողը» կինոնկարի շարունակությունն է: Ռեժիսոր Ուես Բոլի ֆիլմի հերոսներին այս անգամ մեկ այլ փորձություն է սպասվում:
Թոմասը, Մինխոն, Նյութը, Թերեզան և մյուսները փորձում են բացահայտել W.C.K.D կազմակերպության գաղտնիքները: Այս անգամ նրանց սպասում է կրակով փորձություն անապատում, քանդված քաղաքներում, որտեղ նրանք հանդիպում են իրենց տարիքի այլ երիտասարդների: Գլխավոր դերերը մարմնավորում են Դիլան Օ’Բրայենը, Քայա Սկոդելարիոն, Թոմաս Սանգստերը: