2 րոպեի ընթերցում
ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: Երաժշտության և փոփ-մշակույթի ասպարեզում հեղինակավոր «Rolling Stone» ամսագիրը մեծածավալ հոդված է պատրաստել ամերիկահայ հեռուստաաստղ Քիմ Քարդաշյանի մասին: Ինչպես հաղորդում է «Արմենպրես»- ը՝ վկայակոչելով «Rolling Stone» ամսագրի էլեկտրոնային կայքը, հոդվածագիր Վանեսա Գրիգորիադիսը «Քիմ Քարդաշյան. ամերիկյան կին» վերտառությամբ հոդվածում անդարդարձել է հեռուստաաստղի ծագմանը, նրա առօրյային, ընտանեկան հարաբերություններին, աշխատանքին և այն ամենին, ինչը սովորեցրեց սիրել սելֆիի թագուհուն:
Հոդվածագիրը ուշադրության է արժանացնում այն փաստը, որ կովկասյան արմատներով Քիմ Քարդաշյանն ամուսնացած է սևամորթ ռեփեր Քայնե Ուեսթի հետ, ով ռեկորդներ է սահմանում ոչ միայն երաժշտության ասպարեզում, այլ փորձում է մուտք ունենալ նորաձևության և դիզայնի եվրոպական շուկա: Այս ամենին զուգահեռ Քիմն աշխատող մայր է, ով վաստակում է աշխարհում ամենադիտվող ռեալիթի-շոուներից մեկում:
Քիմ Քարդաշյանը հոդվածագրին պատմել է նաև իր հայկական արմատների, հոր՝ Ռոբերտ Քարդաշյանի մասին: Նա խոսել է կրկին սևահեր դառնալու իր դրդապատճառների մասին՝ նշելով, որ դրանից մեկը այցն էր Հայաստան, իսկ մյուսը՝ հղիությունը:
Հիշեցնենք, որ «Rolling Stone» ամսագրի հուլիսյան համարի շապիկին հենց Քիմ Քարդաշյանն է: