ՆԱՍԱ-ն պատասխանել է Քիմ Քարդաշյանի կասկածներին` Լուսնի վրա ամերիկացիների վայրէջքի վերաբերյալ

Օդագնացության և տիեզերական տարածության հետազոտության ազգային վարչության (ՆԱՍԱ) տնօրենի պաշտոնակատար Շոն Դաֆին ստիպված է եղել հերքել ամերիկացի հեռուստաաստղ և ձեռնարկատեր Քիմ Քարդաշյանի այն հայտարարությանը, որ ինքը չի հավատում Լուսնի վրա ամերիկացիների վայրէջքին։ «Արմենպրես»-ի փոխանցմամբ՝ Դաֆին Քարդաշյանի մեկնաբանություններին պատասխանել է X սոցիալական հարթակում։

Yes, @KimKardashian, we’ve been to the Moon before… 6 times!

And even better: @NASAArtemis is going back under the leadership of @POTUS.

We won the last space race and we will win this one too 🇺🇸🚀

🎥: Hulu pic.twitter.com/CkexEEPFSv

— NASA Acting Administrator Sean Duffy (@SecDuffyNASA) October 30, 2025

«Այո, Քիմ Քարդաշյան, մենք եղել ենք Լուսնի վրա... Վեց անգամ։ Եվ ավելին, ՆԱՍԱ-ի «Արտեմիս» ծրագիրը վերադառնում է ԱՄՆ նախագահի ղեկավարությամբ։ Մենք հաղթել ենք նախորդ տիեզերական մրցավազքում և կհաղթենք նաև այս մեկում», - գրել է NASA-ի տնօրենի պաշտոնակատարը։ 

Նա իր գրառմանը կցել է մի հատված «Քարդաշյանների ընտանիքը» հեռուստաշոուի նոր դրվագից։ Նկարահանումների  ժամանակ հեռուստաաստղը հայտարարել է, թե չի հավատում, որ  1969 թվականին ամերիկացիներին հաջողվել է վայրէջք կատարել Լուսնի վրա։ Քարդաշյանը փորձել է դա համոզել դերասանուհի Սառա Փոլսոնին՝ վկայակոչելով մի հոդված, ըստ որի ամերիկացի աստղագնաց Բազ Օլդրինն ասել է, թե, իբր, վայրէջք չի եղել։ 

2022 թվականին Reuters գործակալության լրագրողներն ուսումնասիրել են փաստերը և Բազ Օլդրինի մասնակցությամբ սոցիալական ցանցերում տարածված տեսանյութը համարել են կեղծ։ Տեսանյութը մոնտաժվել էր այնպես, որ Օլդրինն, իբրև, ասում է, թե  Լուսնի վրա վայրէջքի կադրերը կեղծվել են։ Իրականում աստղագնացը նկատի է ունեցել այն անիմացիոն կադրերը, որոնք հեռուստաընկերություններն օգտագործել են իրենց ռեպորտաժներում Լուսնի վրա վայրէջքի մասին՝ դրանցով ընդմիջելով խրոնիկայի դրվագները: