1 րոպեի ընթերցում
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Անհայտ անձինք գնդակահարել են պակիստանում ԱՄՆ դեսպանատան աշխատակցին: Ինչպես տեղեկացնում է «Արմենպրես»-ը՝ վկայակոչելով ՏԱՍՍ գործակալությունը, տղամարդու մարմինը հայտնաբերվել է Իսլամաբադի իր բնակարանում:
Ուիկբալ Բաինգն աշխատում էր ԱՄՆ արդարադատության նախարարության կազմում գործող Թմրանյութերի դեմ պայքարի վարչության պակիստանյան ներկայացուցչությունում: Պակիստանում ԱՄՆ դեսպանատունը զերծ է մնում մեկնաբանություններ տալուց:
Հանցագործության դրդապատճառներն առայժմ ճշտվում են: Հայտնի է, որ բաիգը պատկանում էր իսմաիլիթների հանրույթին, ովքեր շիա-մահմեդականներ են հանդիսանում: Վերջիններս պարբերաբար Պակիստանում դառնում են հարձակումների զոհ, որտեղ գերակշիռ մաս է կազմում սունի բնակչությունը: