1 րոպեի ընթերցում
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Մոսկվայի «Սպարտակ»-ի գլխավոր մարզիչ Դմիտրի Ալենիչևը խոսել է Յուրա Մովսիսյանի և Արազ Օզբիլիսի մասին: «Ես խոսել եմ թիմի բոլոր ֆուտբոլիստների հետ: Յուրա Մովսիսյանի և Արազ Օզբիլիսի աչքերում կրակ կա: Երկուսի հետ տարաձայնություն չունեմ, իսկ ինչ եղել է անցյալում, կմնա անցյալում: Բոլորն էլ կստանան իրենց հնարավորությունները»,-«Արմենպրես»-ի հաղորդմամբ, Ալենիչևի խոսքերը մեջ է բերում Sport-express պարբերականը:
Հայաստանի ազգային թիմի անդամ Յուրա Մովսիսյանն օրեր առաջ, վերականգնվելով վնասվածքից, առաջին հանդիպումն անցկացրեց «Սպարտակ»-ի կազմում: Ընկերական խաղում «Սպարտակ»-ը հաղթեց «Սանկտ Գալենին», իսկ Մովսիսյանը դարձավ գոլի հեղինակ: