Ճամբարակի առողջապահության կենտրոնում բուժում է ստանում սննդային թունավորում ստացած 10 հիվանդ
1 րոպեի ընթերցում
ԳԱՎԱՌ, 8 ՀՈՒՆԻՍԻ, ԱՐՄԵՆՊՐԵՍ : Ճամբարակ քաղաքի առողջապահության կենտրոնում հունիսի ութի առավոտվա դրությամբ դեռ ստացիոնար բուժման մեջ են գտնվում հունիսի վեցին սննդային թունավորում ստացած եւ բուժհաստատություն տեղափոխված 10 հիվանդ:
Ինչպես «Արմենպրես»-ին տեղեկացրեց Ճամբարակի առողջապահության կենտրոնի տնօրեն Արմենակ Մելքումյանը, նրանց վիճակը գնահատվում է թեթեւ ծանրության: Սննդային թունավորումով բուժհաստատություն են դիմել 55 քաղաքացի, որոնցից 51-ը` Վահան գյուղից, 4-ը` Ճամբարակ քաղաքից: Դիմածներից ստացիոնար բուժման են վերցվել 33-ը, որոնցից 23-ն արդեն ստացել են համապատասխան բուժում եւ դուրս են գրվել: «Մոտակա մեկ-երկու օրում դուրս կգրվեն նաեւ մնացած 10 հիվանդները: Թութը, որն առայժմ համարվում է մասսայական թունավորման հիմնական պատճառը, արդեն ուղարկվել է փորձաքննության, որի պատասխանը կհրապարակվի առաջիկա մի քանի օրերի ընթացքում»,-»Արմենպրես»-ի հետ զրույցում նշեց Արմենակ Մելքումյանը:
ԽոսրովԽլղաթյան