Արարատի մարզի 2 համայնքում կանցկացվեն համայնքի ղեկավարի, եւս 2-ում՝ ավագանու ընտրություններ
1 րոպեի ընթերցում
ԱՐՏԱՇԱՏ, 5 ՀՈՒՆԻՍԻ, ԱՐՄԵՆՊՐԵՍ : Արարատի մարզի Արտաշատ քաղաքում եւ Մրգանուշ համայնքում հունիսի 7-ին կանցկացվեն համայնքի ղեկավարի, իսկ մարզի Դիտակ եւ Դվին համայնքներում` ավագանու ընտրություններ: «Արմենպրես»-ի թղթակցի հետ զրույցում թիվ 17 ԸԸՀ քարտուղար Սահանուշ Հովհաննիսյանն ասաց, որ Արտաշատում ընտրելու իրավունք ունեցող քաղաքացիների թիվը 20 հազար 941 է, որտեղ համայնքի ղեկավարի պաշտոնի համար առաջադրված է մեկ թեկնածու՝ անկուսակցական Արգամ Հովիկի Աբրահամյանը:
Հովհաննիսյանը հայնեց, որ այսօր` հունիսի 5-ին ըստ կարգի ավարտվում է քարոզարշավը, իսկ վաղը կլինի լռության օր: Ընտրությունները կսկսվեն հունիսի 7-ին, ժամը 8:00-ին եւ կավարտվեն ժամը 20:00-ին:
Մրգանուշ համայնքում առաջադրված է նախկին գյուղապետ, ՀՅԴ անդամ Մանվել Սարգսյանը: Այստեղ ընտրելու իրավունք ունեցող քաղաքացիները 1366-ն են:
Լիլիթ Մաճկալյան