1 րոպեի ընթերցում
ԱՐՏԱՇԱՏ, 27 ՄԱՅԻՍԻ, ԱՐՄԵՆՊՐԵՍ: Մարզկենտրոն Արտաշատում եւ Մրգավան համայնքում հունիսի 7-ին կանցկացվեն համայնքի ղեկավարի ընտրություններ: Նույն օրը մարզի Դիտակ եւ Դվին համայնքներում տեղի կունենան նաեւ ավագանու ընտրություններ:
«Արմենպրես»-ի թղթակցի հետ զրույցում մարզպետարանի աշխատակազմի տեղական ինքնակառավարման եւ հանրապետական գործադիր մարմինների հարցերով վարչության պետ Ալինա Լալայանն ասաց, որ Արտաշատում համայնքի ղեկավարի պաշտոնի համար առաջադրված է մեկ թեկնածու՝ անկուսակցական Արգամ Հովիկի Աբրահամյանը: Մյուս երկու թեկնածուները` Հովհաննես Ղազարյանը եւ Գարեգին Համբարձումյանը հրաժարվել են քվերակվելուց:
Լալայանը նշեց, որ Մրգանուշ համայնքում առաջադրված է նախկին գյուղապետ, ՀՅԴ անդամ Մանվել Սարգսյանը:
Արտաշատում ընտրելու իրավունք ունեցող քաղաքացիների թիվը 22 հազար 300 է, իսկ Մրգանուշում` 1366:
Լիլիթ Մաճկալյան