2 րոպեի ընթերցում
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Հայոց ցեղասպանության նահատակների հիշատակի օր հռչակվեց ապրիլի 24-ը` ի «Յիշատակ սրբոց նահատակաց, որք կատարեցան յընթացս ցեղասպանութեան Հայոց վասն հավատոյ և վասն հայրենեաց»: «Հայոց ցեղասպանության նահատականերին, որոնք ընկան վասնո հավատո և վասն հայրենյաց, հռչակում ենք սրբեր:Աղաչում ենք` ընդունեք մեր աղոթքները ու բարեխոսեցեք մեզ համար, որ մենք անդադար ձայնով փառք առաքենք Հորը, Որդուն և Սուրբ Հոգուն»,-«Արմենպրես»-ի փոպանցմամբ` ասաց Արարատյան Հայրապետական թեմի առաջնորդական փոխանորդ Տ. Նավասարդ արքեպիսկոպոս Կճոյանը: Ճերմակափայլ հագուստներով երեխաներն աղանվիներ բաց թողեցին երկինք, որին հաջորդեց «Էջ Միածին ի ՀօրԷ» շարականը:
Այուհետև խորան բերվեցին սրբապատկերներն ու մասունքարանները, ինչպես նաև Մայր Աթոռ Սուրբ Էջմիածնի բազմաթիվ մասունքերից դուրս են բերված 14 սրբությունները: Երկու կաթողիկոսների` Ն. Ս. Օ. Տ. Տ. Գարեգին Բ Ամենայն Հայոց և Ն. Ս. Օ. Տ. Տ. Արամ Ա Մեծի Տանն Կիլիկիո ձեռամբ կատարվեց սրբադասման մասունքարանի ու սրբապատկերների օծումը:
Ավելի քան 400-ամյա դադարից հետո Հայ եկեղեցում վերականգնվեց Սրբադսման կարգը: Սրբադասման ավարտին Հայաստանում և աշխարհի տարբեր եկեղեցիներում կհնչեն զանգերի 100 ղողանջները, այնուհետև կլինի լռության մեկ րոպե: Ապրիլի 24-ին օծված սրբապատկերը երկրպագության կտրվի Ծիծեռնակաբերդում:
Հայ Առաքելական եկեղեցու կողմից վերջին սրբադասվողը Մովսես Երրորդ Տաթևացի Հայրապետն է եղել, ով սրբադասվել է իր գահակալությունից 100 տարի հետո` Սիմեոն Երևանցի կաթողիկոսի հռչակմամբ:
Երկար ընդմիջումից հետո Հայոց Եկեղեցում սրբադասման կարգի վերականգնման և Հայոց ցեղասպանության զոհերի սրբադասման խնդիրները քննարկվել են 2013 և 2014 թթ.Եպիսկոպոսաց ժողովներում: