ՀՀ վարչապետը խոսել է «Հիմնադիր խորհրդարանի» անդամների ձերբակալության մասին

ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: «Հիմնադիր խորհրդարանի» անդամների ձերբակալությունները տեղի են ունենում օրենքի շրջանակներում: Այս մասին Ազգային ժողովում լրագրողների հետ զրույցում նշեց ՀՀ վարչապետ Հովւկ Աբրահամյանը: «Ամեն ինչ տեղի է ունենում օրենքի շրջանակներում, իսկ օրենքի առաջ բոլորը հավասար են»,- «Արմենպրես»-ի հաղորդմամբ՝ ընդգծեց Աբրահամյանը՝ անդրադառնալով «Հիմնադիր խորհրդարանի» անդամների ձերբակալության վերաբերյալ հարցին:

Հարցին, թե արդյոք «Հիմնադիր խորհրդարանի» ձերբակալված անդամները քաղբանտարկյալներ չե՞ ն, Հովիկ Աբրահամյանը վստահեցրեց, որ Հայաաստանում քաղբանտարկյալներ չկան և չեն լինի:

Հրապարակային միջոցառումների անցկացման վայրերում 2015 թվականի ապրիլի 24-ին զանգվածային անկարգությունների նախապատրաստության դեպքի առթիվ ՀՀ քննչական կոմիտեի ՀԿԳ քննության գլխավոր վարչության վարույթում քննվող քրեական գործի շրջանակներում ապրիլի 7-ին ձերբակալվել է 5 անձ։ Ձերբակալվել են «Հիմնադիր խորհրդարանի» անդամներ Վարուժան Ավետիսյանը, Պավել Մանուկյանը, Գևորգ Սաֆարյանը, Ժիրայր Սեֆիլյանը, Գարեգին Չուգասզյանը։