Բուենոս Այրեսում կկայանա կոնֆերանս Հայոց ցեղասպանության թեմայով

ԲՈՒԵՆՈՍ ԱՅՐԵՍ, 30 ՄԱՐՏԻ, ԱՐՄԵՆՊՐԵՍ: Բուենոս Այրեսի համալսարանի փիլիսոփայության եւ գրականության ֆակուլտետում ապրիլի 21-ին տեղի կունենա միջազգային կոնֆերանս` նվիրված Հայոց ցեղասպանության 100-րդ տարելիցին: «Արմենպրես»-ի հետ զրույցում կոնֆերանսի կազմակերպիչներից պրոֆեսոր Նելիդա Բուլգուրջյանն ասաց, որ կոնֆերանսում քննարկվելու են երիտթուրքերի քաղաքականությունը, Ադանայի 1894-96թթ. զանգվածային ջարդերը, թուրքական ժխտողականությունը, ժամանակակից Թուրքիայի ստեղծումն ու գաղափարախոսությունը և հայկական սփյուռքի ձեւավորումը:

Արգենտինացի պատմաբան Խուան Պաբլո Արտինովը դասախոսություն կկարդա հայերի տեղահանման եւ գույքի բռնագրավման մասին: Դասախոսություններ կկարդան նաեւ Գաբրիել Սիվինյանը, Ալեքսիս Փափազյանը: