Երևանի Սեբաստիա փողոցում տաքսի ծառայությանը պատկանող մեքենա է այրվել
1 րոպեի ընթերցում
![Երևանի Սեբաստիա փողոցում տաքսի ծառայությանը պատկանող մեքենա է այրվել](http://armenpress.am/resized/480/static/news/b/2015/03/799218.jpg)
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում մարտի 25-ին` ժամը 23.14-ին, ահազանգ է ստացվել, որ Երևանի Սեբաստիա փողոցի թիվ 24 շենքի մոտակայքում այրվում է ավտոմեքենա: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 23.28-ին, մարվել` 23.33-ին: Ամբողջությամբ այրվել է «Էլեն» տաքսի ծառայությանը պատկանող «Դեո Նեքսիա» մակնիշի Լ1809 պետհամարանիշի ավտոմեքենայի (վարորդ Ա/ Ծ/) սրահը: