Այգեպատ գյուղի մոտ «Մերսեդես»-ն արգելափակվել է ցեխակույտի մեջ
1 րոպեի ընթերցում
![Այգեպատ գյուղի մոտ «Մերսեդես»-ն արգելափակվել է ցեխակույտի մեջ](http://armenpress.am/resized/480/static/news/b/2015/03/798071.jpg)
ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում մարտի 18-ին` ժամը00.35-ին, ահազանգ է ստացվել, որ Վերին Արտաշատ-Քաղցրաշեն ավտոճանապարհին` Այգեպատ գյուղի մոտակայքում, «Մերսեդես» մակնիշի ավտոմեքենան արգելափակվել է ցեխակույտի մեջ. դուրս բերելու համար անհրաժեշտ է փրկարարների օգնությունը: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Հրշեջ-փրկարարներն արգելափակումից դուրս են բերել «Մերսեդես» մակնիշի (վարորդ Ա. Փ.) 33 DU 569 պետհամարանիշի ավտոմեքենան: