Գյումրիում հրդեհված տանը հայտնաբերվել է 51-ամյա բնակչի դին
1 րոպեի ընթերցում
![Գյումրիում հրդեհված տանը հայտնաբերվել է 51-ամյա բնակչի դին](http://armenpress.am/resized/480/static/news/b/2015/02/793220.jpg)
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում փետրվարի 8-ին` ժամը 12.07-ի,ն ահազանգ է ստացվել, որ հրդեհ է բռնկվել Շիրակի մարզի Գյումրի քաղաքի Աղյուսի փողոցի տներից մեկում: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել երկու մարտական հաշվարկ և ՄՓՎ օպերատիվ խումբը: Հրդեհը մեկուսացվել է ժամը 12.47-ին: Տան բազմոցին հայտնաբերվել է 1963թ. ծնված Ս. Խ.-ի այրված դին: Տանիքից այրվել է 80 քմ հատված: