1 րոպեի ընթերցում
ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Իրանական Շիրազ քաղաքում բացվել է Salt Restaurant, որտեղ համարյա ամեն ինչ պատրաստված է աղից: Սեղանները, աթոռները պատրաստված են աղի բյուրեղներից, իսկ պատերը, առաստաղը և աստիճանները պատված են աղի հաստ շերտով: Բոլոր նյութերը բերվել են քաղաքի ծայրամասերում գտնվող աղի հանքերից:
Ռեստորանի ներքին հարդարանքը հիշեցնում է աղի քարանձավ: Ռեստորանի տիրոջ խոսքով` աղի շինությունում շատ հեշտ է շնչել, քանի որ աղը մաքրում է օդը:
Ռեստորանը հատկապես օգտակար է շնչառական օրգանների հետ խնդիրներ ունեցող մարդկանց համար: