Ավետիսյանների ընտանիքի անդամների հոգեհանգիստը տեղի կունենա վաղը Գյումրու Սուրբ Նշան եկեղեցում

ԳՅՈՒՄՐԻ, 13 ՀՈՒՆՎԱՐԻ, ԱՐՄԵՆՊՐԵՍ: Շիրակի մարզպետի հրահանգով ստեղծվել է մարզային ու քաղաքային իշխանությունների ներկայացուցիչներից կազմված համատեղ աշխատանքային խումբ, որը կկանոնակարգի հունվարի 12-ին Գյումրիում դաժանաբար սպանված Ավետիսյանների ընտանիքի անդամների հոգեհանգստի և հուղարկավորության հետ կապված աշխատանքները: Աշխատանքային խումբը ղեկավարում է Շիրակի մարզպետ Ֆելիքս Ցոլակյանը:

Ինչպես «Արմենպրես»-ին տեղեկացրեց մարզպետի օգնական Արաքսյա Կիրակոսյանը, հոգեհանգիստը տեղի կունենա հունվարի 14-ին, ժամը 17:00-ին Գյումրու Սուրբ Նշան եկեղեցում, իսկ հուղարկավորությունը՝ հունվարի 15-ին, ժամը 13:00-ին:

Արմենուհի Մխոյան