Գյումրիում «Մերսեդես»-ի և մոտոցիկլետի բախումից 2 մարդ է տուժել

ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում դեկտեմբերի 27-ին` ժամը 11.18-ին, ահազանգ է ստացվել, որ Գյումրի քաղաքի Մարմաշենի խճուղում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ:

Պարզվել է, որ Մարմաշենի խճուղում` ռուսական թիվ 8 զինվորական թաղամասի դիմաց, բախվել են «Մերսեդես» մակնիշի 30 ՕՍ 414 պետհամարանիշի (վարորդ Հ. Մ.)և առանց պետհամարանիշի մոտոցիկլետը, ինչի հետևանքով մոտոցիկլետի վարորդը (1993թ.ծնված Ա. Ս.-ը) և ուղևոր Ս. Վ.-ն տեղափոխվել են Գյումրի քաղաքի ԲԿ: