Հրդեհ է բռնկվել Նորապատ գյուղի տներից մեկում
1 րոպեի ընթերցում
![Հրդեհ է բռնկվել Նորապատ գյուղի տներից մեկում](http://armenpress.am/resized/480/static/news/b/2014/12/789372.jpg)
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում դեկտեմբերի 26-ին` ժամը 07.15-ին, ահազանգ է ստացվել, որ Արմավիրի մարզի Նորապատ գյուղի 4-րդ փողոցում այրվում է տան տանիք: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել երեք մարտական հաշվարկ:Հրդեհը մեկուսացվել է ժամը 07.50-ին, մարվել՝ 08.26-ին: Այրվել է Հ. Ա.-ին պատկանող տան տանիքի փայտյա կառուցատարրերը՝ 170 ք.մ: