Լոռու մարզի Սարչապետ գյուղի մոտ քաղաքացիներ են մոլորվել

ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում դեկտեմբերի 21-ին` ժամը 23.19-ին, ահազանգ է ստացվել, որ Լոռու մարզի Սարչապետ գյուղի մոտակայքում «Մերսեդես» մակնիշի ավտոմեքենայով քաղաքացիները մոլորվել են և ավտոմեքենան խափանվել է. անհրաժեշտ է օգնություն: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, կապ է հաստատվել ահազանգած քաղաքացու հետ, ով հաղորդել է, որ իրենք գտնվում են Պրիվոլնոյե գյուղի մոտակայքում:

Դեպքի վայր է մեկնել մեկ մարտական հաշվարկ: Հրշեջ-փրկարարները «Մերսեդես» մակնիշի 54 OC 054 պետհամարանիշով (վարորդ` Գ. Վ.) ավտոմեքենան քարշակել են Սվերլովսկ գյուղ: