ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում դեկտեմբերի 11-ին` ժամը 13.14-ին, ահազանգ է ստացվել, որ Արարատի մարզի Գեղանիստ գյուղում այրվում է տան տանիք: Դեպքի վայր է մեկնել երկու մարտական հաշվարկ: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, հրդեհը մարվել է տեղի ուժերով: Պարզվել է, որ հրդեհը բռնկվել է գյուղի 3-րդ փողոցի թիվ 18 տանը: Այրվել է Ս. Մ.-ի տան հյուրասենյակի առաստաղի (բաղդատ) մոտ 2 քմ հատվածը: Հրշեջ-փրկարարներն իրականացրել են քանդման աշխատանքներ: