«Անի Կվարց» ՍՊԸ-ին պահակակետում վագոն-տնակ է այրվել
1 րոպեի ընթերցում
![«Անի Կվարց» ՍՊԸ-ին պահակակետում վագոն-տնակ է այրվել](http://armenpress.am/resized/480/static/news/b/2014/11/785612.jpg)
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում նոյեմբերի 27-ին` ժամը 07.20-ին, ահազանգ է ստացվել, որ Արարատի մարզի Շահումյան գյուղում՝ կամրջի մոտակայքում, այրվում են տնակներ: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ Երևան-Երասխ ավտոճանապարհի 30-րդ կմ-ի մոտակայքում` «Անի Կվարց» ՍՊԸ-ին պատկանող պահակակետում, բռնկվել է հրդեհ, որը մարվել է ժամը 10.11-ին: Ամբողջությամբ այրվել է վագոն-տնակը` 21 քմ: