Երևանի Շահումյան փողոցում հրդեհ է բռնկվել
1 րոպեի ընթերցում
![Երևանի Շահումյան փողոցում հրդեհ է բռնկվել](http://armenpress.am/resized/480/static/news/b/2014/11/785082.jpg)
ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում նոյեմբերի 24-ին` ժամը 04.54-ին, ահազանգ է ստացվել, որ հրդեհ է բռնկվել Երևանի Շահումյան 5-րդ փողոցի տներից մեկում: Դեպքի վայր է մեկնել երկու մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ հրդեհը բռնկվել է տներից մեկին մոտակա խորդանոցում: Հրդեհը մեկուսացվել է 05.14-ին, մարվել՝ 05.34-ին: Այրվել են Կ. Թ.-ին պատկանող խորդանոցն ամբողջությամբ (25 քմ), վառելափայտ՝ 10 խմ և ջերմահարվել է թիվ 36 տան տանիքի ծածկը: