Լանջիկ-Մաստարա ճանապարհին «Օպել» մակնիշի մեքենա է շրջվել
1 րոպեի ընթերցում
![Լանջիկ-Մաստարա ճանապարհին «Օպել» մակնիշի մեքենա է շրջվել](http://armenpress.am/resized/480/static/news/b/2014/11/782440.jpg)
ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում նոյեմբերի 3-ին` ժամը 09.37-ին, ահազանգ է ստացվել, որ Մ-1 միջպետական ավտոճանապարհի Լանջիկ-Մաստարա հատվածում «Օպել» մակնիշի ավտոմեքենա է շրջվել, տուժածներ չկան. անհրաժեշտ է օգնություն: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ Մ-1 միջպետական ավտոճանապարհի Լանջիկ-Մաստարա հատվածում «Օպել» մակնիշի 19TL879 պ/հ ավտոմեքենան (վարորդ՝ Գ. Պ.) դուրս է եկել ճանապարհի երթևեկելի մասից և շրջվել. տուժածներ չկան: Հրշեջ-փրկարարները հոսանքազրկել են ավտոմեքենան և փակել գազի փականը: