Հրդեհ է բռնկվել Վաղարշյան փողոցի գեղեցկության սրահում

ԵՐԵՎԱՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում հոկտեմբերի 17-ին` ժամը 06.29-ին, ահազանգ է ստացվել, որ հրդեհ է բռնկվել Երևանի Վաղարշյան փողոցի թիվ 22 շենքի առաջին հարկում գտնվող գեղեցկության սրահում: Դեպքի վայր է մեկնել երկու մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, հրդեհը մեկուսացվել է ժամը 06.51-ին, մարվել՝ 07.04-ին: Այրվել է «Միսս իքս» գեղեցկության սրահի նախասրահն ամբողջությամբ (30 քմ) և սրահի կախովի առաստաղը (1 քմ):