Գազի արտահոսք և պայթյուն մթերային խանութում. կա երկու տուժած
1 րոպեի ընթերցում
![Գազի արտահոսք և պայթյուն մթերային խանութում. կա երկու տուժած](http://armenpress.am/resized/480/static/news/b/2014/10/780033.jpg)
ԵՐԵՎԱՆ, 14 ՀՈԿՏԵՄԲԵՐԻ, ԱՐՄԵՆՊՐԵՍ: Ոստիկանության Մարտունու բաժնում հոկտեմբերի 11-ին` ժամը 09.05-ին, հաղորդում է ստացվել, որ Լիճք գյուղի մթերային խանութում պայթյուն է տեղի ունեցել: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, մեկնած օպերատիվ խումբը պարզել է, որ նույն օրը` ժամը 08.50-ին, գազի արտահոսքից պայթյուն է տեղի է ունեցել, ինչի հետևանքով խանութի աշխատակցուհին՝ 1974թ. ծնված Սյուզաննա Մ.-ն, և հաճախորդը` 1986թ. ծնված Վասպուրակ Բ.-ն, մարմնի տարբեր մասերում ստացած այրվածքներով տեղափոխվել են հիվանդանոց: Հանգամանքները պարզվում են:Կատարվում է նախաքննություն: