1 րոպեի ընթերցում
ԵՐԵՎԱՆ, 7 ՀՈԿՏԵՄԲԵՐԻ, ԱՐՄՆԵՊՐԵՍ: ՀՀ արտակարգ իրավիճակների նախարարությունը տեղեկություն է ստացել, որ Գյումրու Շահումյան փողոցի տներից մեկի բնակիչը չի արձագանքում դռան թակոցներին և հեռախոսազանգերին. բնակարան մուտք գործելու համար անհրաժեշտ է փրկարարների օգնությունը: Այս մասին հաղորդում է «Արմենպրես»-ը՝ վկայակոչելով ԱԻՆ պաշտոնական կայքը:
Ահազանգ ստանալուն պես դեպքի վայր է մեկնել մեկ մարտական հաշվարկ:
Հրշեջ-փրկարարները բացել են տան դուռը, հատակին անօգնական վիճակումհայտնաբերել 1941թ. ծնված Վ. Վ.-ին, ում մոտեցրել են շտապօգնության ավտոմեքենային:
Բժիշկները տուժածի առողջական վիճակը գնահատել են ծանր: