1 րոպեի ընթերցում
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիական բանակը հոկտեմբերի 6-ին վերահսկողություն է հաստատել Դամասկոսի մերձակայքում գտնվող Արևելյան Ղուտայի շրջանի Դուխանիա գյուղի վրա: Ինչպես հաղորդում է «Արմենպրես»-ը՝ վկայակոչելով լիբանանյան «Ալ Մայադին» կայքը, տեղի ունեցած բախումների ժամանակ տասնյակ զինյալներ են սպանվել և վիրավորվել:
Բացի այդ, սիրիական օդային ուժերը ռմբակոծել են Հալեպի Մալահ գյուղում զինված խմբավորման հենակետը և ոչնչացրել այն: Սիրիական օդանավերը նաև ռմբակոծել են Կալամունի շրջանը՝ ոչնչացնելով զինյալների շարասյունը, ինչպես նաև Դեր Զորի Խարիտիա և Հուայջ Շամիա բնակավայրերում ԻԼԻՊ-ի հավաքատեղիները:
Ջաբակ Զաուիա շրջանում հոկտեմբերի 6-ին ականապատ մեքենայի պայթյունից 10-ը զինյալներ սպանվել են, ևս 15-ը՝ վիրավորվել:
«Ալ Ջազիրա»-ն տեղեկացնում է, որ զինված ընդդիմադիրները պատրաստվում են հսկողություն հաստատել Հալեպի Հանդարաթ գյուղի որոշ հատվածների վրա: Տեղի ունեցած բախումների ժամանակ կառավարական ուժերի անդամներ են զոհվել: Թեժ մարտերն այնտեղ շարունակվում են առավոտից: Բախումներ են ընթանում Հալեպի Միդան, Սուլեյման ալ Հալաբի, Բուսթան Բաշա, Մայսալուն թաղամասերում: