Հրդեհ է բռնկվել Կապանում գործող արտադրամասերից մեկում
1 րոպեի ընթերցում
![Հրդեհ է բռնկվել Կապանում գործող արտադրամասերից մեկում](http://armenpress.am/resized/480/static/news/b/2014/10/778741.jpg)
ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում հոկտեմբերի 3-ին` ժամը 04.50-ին, ահազանգ է ստացվել, որ Սյունիքի մարզի Կապան քաղաքի «Սյունիք սովխոզ» կոչվող հատվածում այրվում է արտադրամաս: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ հրդեհը բռնկվել է Սյունիք գյուղի Գաղթականեր փողոցի թիվ 39 հասցեում՝ «Որդի Սպարտակ» ՍՊԸ-ին պատկանող պահեստի էլեկտրական վահանակում: Հրդեհը մեկուսացվել է ժամը 05.15-ին, մարվել՝ 05.30-ին: Այրվել է 3 գմ էլեկտրական մալուխ և կախովի առաստաղը՝ 20 քմ: