Փրկարարներն օգնություն են ցուցաբերել լոգարանում արգելափակված քաղաքացուն

ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում սեպտեմբերի 24-ի` ժամը 01.30-ին, տեղեկատվություն է ստացվել, որ Երևան քաղաքի Կոմիտասի պողոտայի թիվ 65 շենքի բնակարաններից մեկի լոգարանի դուռը փակվել է, բնակիչը մնացել է ներսում. անհրաժեշտ է փրկարարաների օգնությունը: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Հրշեջ-փրկարարները բացել են բնակարանի լոգարանի դուռը: