Լուսագյուղ համայնքում երկհարկանի տուն է այրվել
1 րոպեի ընթերցում
![Լուսագյուղ համայնքում երկհարկանի տուն է այրվել](http://armenpress.am/resized/480/static/news/b/2014/09/776484.jpg)
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում սեպտեմբերի 17-ին` ժամը 06.51-ին, տեղեկություն է ստացվել, որ հրդեհ է բռնկվել Արագածոտնի մարզի Լուսագյուղի 16-րդ փողոցի տներից մեկի տանիքում: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, հրդեհը մեկուսացվել է ժամը 07.05-ին, մարվել՝ 07.10-ին: Այրվել են երկհարկանի տան տանիքի փայտյա կոնստրուկցիաները՝ 5 քմ: