ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում սեպտեմբերի 3-ին` ժամը 00.30-ին, ահազանգ է ստացվել, որ Տավուշի մարզի Իջևան քաղաքի ուսումնարանի ավտոճանապարհին այրվում է ավտոմեքենա: Դեպքի վայր է մեկնել երկու մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ Նալբանդյան փողոցի թիվ 3 հասցեում այրվում է Ա.Մ.-ին պատկանող «ՎԱԶ-2106» մակնիշի 34 TT 872 պետհամարանիշի ավտոմեքենան: Հրդեհը մեկուսացվել է ժամը 00.43-ին, մարվել՝ 00.48-ին: Այրվել են շարժիչի ձախակողմյան հատվածը, ցուցիչների վահանակը և սրահի առաստաղը: