Գյումրիում երիտասարդն ընկել է գնացքի տակ
1 րոպեի ընթերցում
![Գյումրիում երիտասարդն ընկել է գնացքի տակ](http://armenpress.am/resized/480/static/news/b/2014/07/770608.jpg)
ԳՅՈՒՄՐԻ, 25 ՀՈՒԼԻՍԻ, ԱՐՄԵՆՊՐԵՍ: ՀՀ ԱԻ նախարարության Շիրակի մարզի փրկարարական վարչությունը հուլիսի 24-ին ժամը 21.40-ին տեղեկություն է ստացել այն մասին, որ Երևան-Գյումրի ուղեմասի 2727 կիլոմետրի Գյումրի քաղաքի Երևանյան խճուղու 2-3 րդ կիլոմետրի մոտակայքում, չպարզված հանգամանքերում, էլեկտրագնացքի տակ մոտ 25-30 տարեկան երիտասարդ է ընկել: Երիտասարդը ստացված վնասվածքներից տեղում մահացել է: Դեպքի վայր է մեկնել մեկ մարտական հաշվարկ:
Ինչպես «Արմենպրես»-ին տեղեկացրին ՇՄ փրկարարական վարչությունից, ըստ նախնական տվյալների, երիտասարդը հավանաբար գիծն անցել է բջջային հեռախոսով խոսելով և չի նկատել մոտեցող գնացքը:
Արմենուհի Մխոյան