Հռոմի Ֆրանցիսկոս պապը եւ Բենեդիկտոս 16-րդը չեն կարողանա միասին դիտել ֆուտբոլի աշխարհի առաջնության եզրափակիչը
1 րոպեի ընթերցում
ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Հռոմի Ֆրանցիսկոս պապը եւ նրա նախորդը՝ Բենեդիկտոս 16-րդ պատվավոր պապը, չեն կարողանա միասին դիտել ֆուտբոլի աշխարհի առաջնության եզրափակիչ մրցախաղը Արգենտինայի եւ Գերմանիայի հավաքականների միջեւ: Այդ մասին, ինչպես տեղեկացնում Է «Արմենպրես»-ը, հայտնել Է Վատիկանի մամուլի քարտուղար Ֆեդերիկո Լոմբարդին, որի խոսքը մեջբերել Է «Ասոշիեյթեդ պրես» գործակալությունը:
«Բանն այն Է, որ եզրափակիչ մրցախաղը տեղի կունենա Հռոմի Ֆրանցիսկոս պապի համար բավականին ուշ ժամի, դե իսկ Բենեդիկտոսը երբեք կրքոտ մարզական երկրպագու չի եղել: Երկու պապերն Էլ ցանկանում են, որ հաղթի ուժեղագույն թիմը եւ որեւԷ մեկի կողմը չեն բռնելու»,-ասել Է Լոմբարդին:
Ֆրանցիսկոս պապը արգենտինյան «Սան Լորենսո» ֆուտբոլային ակումբի մեծ երկրպագուն Է: Սակայն նա խոստացել Է, որ իր կողմից ոչինչի չի ձեռնարկելու, որպեսզի օգնի հայրենակիցներին՝ շահելու եզրափակիչ մրցախաղը: Ծնունդով Գերմանիայից Բենեդիկտոս 16-րդը սպորտով չի հետաքրքրվում:
Ֆուտբոլի աշխարհի առաջնության եզրափակիչ հանդիպումը հուլիսի 13-ին տեղի կունենա Ռիո դե Ժանեյրոյի «Մարականա» մարզադաշտում եւ կսկսվի Երեւանի ժամանակով ժամը 23:00-ին, հաղորդել Է ԻՏԱՌ-ՏԱՍՍ-ը: