1 րոպեի ընթերցում
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Հռոմի Ֆրանցիսկոս պապը ունկնդրություն Է տալու Ուկրաինայի վարչապետ Արսենի Յացենյուկին: Ինչպես տեղեկացնում է «Արմենպրես»-ը՝ հղում անելով Վատիկանի «Սիսմոգրաֆո» բլոգին, հանդիպումը նշանակված է ապրիլի 26-ին՝ Հռոմի երկու պապերի՝ Հովհաննես Պողոս Երկրորդի եւ Հովհաննես 23-րդի սրբացման արարողության նախօրեին:
Իր ավանդական զատկական ուղերձում Հռոմի կաթոլիկ եկեղեցու ղեկավարը կոչ Է արել կարգավորել Ուկրաինայի հակամարտությունը: «Միասին աղոթում ենք, որ բոլոր շահագրգիռ կողմերը միջազգային հանրակցության աջակցությամբ հնարավոր ամեն ինչ անեն բռնություն թույլ չտալու եւ երկխոսություն հաստատելու համար՝ ի բարօրություն այդ երկրի ապագայի»,-ասել Է քահանայապետը, հաղորդել Է ԻՏԱՌ-ՏԱՍՍ-ը: