Երևան-Սևան ճանապարհին «ՎԱԶ-2107»-ը բախվել է ճամփեզրին կայանված «Ֆիատ»-ին

ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ: Երևան-Սևան ճանապարհի 27-րդ կմ-ին մարտի 23-ին` ժամը 20.30-ի սահմաններում, «ՎԱԶ-2107» մակնիշի ավտոմեքենան բախվել է ճամփեզրին կայանված «Ֆիատ» մակնիշի ավտոմեքենայի: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, պատահարի հետևանքով «Ֆիատ»-ի վարորդը` 1963թ. ծնված Սիմոն Հ.-ն, «գանգուղեղային տրավմա, գլխուղեղի ցնցում` հարցականով, ճակատի սալջարդ ձախից» և ուղևորը` 1989թ. ծնված Արմեն Հ.-ն, «ձախ ականջի պատռված վերք, ուղեղի ցնցում` հարցականով» ախտորոշմամբ տեղափոխվել են հիվանդանոց: Կատարվում է քննություն: