Սիրիայի ընդդիմադիր կոալիցիայի ղեկավարը կոչ է արել Սիրիայի տարածքում սահմանել ոչ թռիչքային գոտի
1 րոպեի ընթերցում
ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: Սիրիայի ընդդիմադիր և հեղափոխական ուժերի ազգային կոալիցիայի ղեկավար Ահմադ ալ Ջարբան Արևմուտքին կոչ է արել Սիրիայի տարածքը հայտարարել ոչ թռիչքային գոտի: Ինչպես հաղորդում է «Արմենպրես»-ը` վկայակոչելով արաբական լրատվամիջոցները, այս մասին Ահմադ ալ Ջարբան հայտարարել է Բրյուսելում տեղի ունեցած մամուլի ասուլիսի ժամանակ:
«Ոչ թռիչքային գոտի սահմանելու դեպքում մենք կարող ենք ապահովել հաղթանակն Ասադի ուժերի դեմ»,- նշել է նա:
Ինչ վերաբերում է բախումների մասին տեղեկություններին, ապա ավելի վաղ սիրիական բանակը հաջողություններ էր գրանցել Կալամուն շրջանի Յաբրուդ քաղաքում: Բանակին հաջողվել է Յաբրուդ քաղաքից հեռացնել զինյալներին՝ վերականգնելով անվտանգությունը և կայունությունը: Տեղեկություններ կան, որ այնտեղ սպանվել են 150-ից ավելի զինյալներ:
Տաթևիկ Հարությունյան