1 րոպեի ընթերցում
ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Դամասկոսն անսպասելիորեն փակել է իր դեսպանատները Էր Ռիադում, Քուվեյթում և Վաշինգտոնում: Սիրիայի դիվանագիտական աղբյուրները հաստատել են լուրը՝ նշելով, որ պատճառը ոտնձգություններն են, որոնց ենթարկվում են սիրիացի դիվանագետները նշված երկրներում:
Ինչպես հաղորդում է «Արմենպրես»-ը` վկայակոչելով սիրիական լրատվամիջոցները, խոսքը հատկապեսդիվանագետների ազատ տեղաշարժման կամ նրանց ելք ու մուտքի մասին է այդ երկրներում: Սաուդյան Արաբիայում և Վաշինգտոնում Դամասկոսի դեսպանատներն իրենց պաշտոնական կայքերում այդ մասին տեղեկացրել են Սիրիայիայնտեղ բնակվող քաղաքացիներին:
Սաուդյան Արաբիան և Քուվեյթը Սիրիայում իրենց դեսպանատները փակել են 2012թ.-ի մարտին, իսկ ԱՄՆ-ը՝ 2012թ.-ի փետրվարին: