Սիրիայի Ազգային Ժողովի ղեկավարը ՌԴ պատվիրակության հետ քննարկել է համագործակցության հարցեր
1 րոպեի ընթերցում
ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Սիրիայի Ազգային Ժողովի նախագահ Մուհամմադ Ջիհադ ալ Լահհամը մարտի 11-ին Դամասկոսում ընդունել է Ռուսաստանի խորհրդարանի պատվիրակությանն` Ալեքսեյ Վորոնցովի գլխավորությամբ: Ինչպես հաղորդում է «Արմենպրես»-ը` վկայակոչելով արաբական լրատվամիջոցները, այցելությունը տեղի է ունեցել Սիրիա-Ռուսաստան հանդիպումների շրջանակներում, ինչը վկայում է երկու պետությունների միջև հարաբերությունների ամրության մասին:
Հանդիպման ընթացքում քննարկվել են հարցեր երկկողմ հարաբերությունների համագործակցության ամրապնդման և ընդլայման վերաբերյալ: Ալ Լահհամը նշել է, որ Սիրիան ենթարկվում է ահաբեկչական հարձակումների, որոնք ֆինանսավորվում են արևմտյան պետությունների կողմից: Ալեքսեյ Վորոնցովն իր հերթին նշել է, որ Սիրիան Ռուսատանի իսկական ընկերն է: Նրա խոսքով` սիրիացիներն իրավունք ունեն հպարատանալու իրենց բանակով:
Բացի այդ, ՌԴ պատվիրակությունը հանդիպել է Սիրիայի հասարակական հարցերով նախարարի հետ: Հանդիպման ընթացքում պատվիարկության անդամները հայտնել են կարիքավոր սիրիացի երեխաներինօգնություն տրամադրելուպատրաստակամության մասին: Օգնության փաթեթներում կընդգրկվեն առաջին անհրաժեշտության պարագաներ, դեղորայք, երեխաներին անհրաժեշտ սնունդ: